Teyyarayanê artêşa Afganistanî ke Talîbanî rê operasyon kerdêne bi şaşî da veyveyêk ro û tewr kêmî 35 sivîlî ameyî kiştene.
Endamê Encûmena Wîlayetê Helmandî Ataullah Afganî beyanat da ajansê Ruetersî û aşkere kerd ke operasyonê vera Talibanî de tewr kêmî 35 sivîlî merdî û 13 kesî zî birîndar bîyê. Kesê ke ameyê kiştene pêro şîyêne veyve.
Yewna endamê encumenîye Abdul Macid Akhundzadahî zî vano: Êrişê teyarayan de 40 kesî amey kiştene û heme zî sîvîl ê.
Goro ke vajîya wexto ke artêşa Afganan waşta bido Talibanî ro, bi şaşî daya veyveyêk ro û qetlîam kerda.