Komêka xeylî kesan verê Zanîngehê Anqara de hêrişê 3 ciwananê kurdan kerd.
Komêka faşîstan verê Zanîngehê Anqara de hêrişê 3 ciwananê kurdan kerd. Mîyanê hêrişkaran de Îsa kok zî estbi ke verî zî bi hêrişê faşîstî amebi rojdem. hêrişkaran vernîya 3 ciwanan girewt û ciwanê bi nameyê K.Y. birîndar kerd.
K.Y. wedarîya nêweşxane. Dîya zanayene ke di ciwanê bînî zî bi şenikî birîndar bîyê. Polîsan koma faşîstan û ciwanê kurdî yê birîndarî D.U. û M.U. berdî Mudirîya Polîsan a Cebecî. Ciwanan vat ê verê polîsan de reyna hêrişê faşîstan ameyî. Dima îfadeyê înan ame girewtene. Îfade ra dima polîsan seba ke 'serebût mevejîyo' koma faşîstan berde Mudirîya Polîsan a Esatî. Ciwanê kurdî zî Mudirîya Polîsan a Cebecî de tepişîyenê.