Musteşara wezareta karên derve ya Amerîkayê ku ji karên siyasî berpirse Victoria Nuland ragihand ku bi kirîna S-400 an ku Tirkiye ji Rûsyayê kirîbû, dorpêçên danîbûn ser Tirkiyê hê jî dewam dikin. Nuland got; eger Tirkiyê sîlihên sîstemên giran ji Rûsyayê bikire, dê dorpêçên nû deynin ser Tirkiyê.
Victoria Nuland, di celseya Sanatoya Amerîkayê ya li ser Tirkiyê de bersiva pirsên sanatoran da. Nuland weha got:
“Dorpêçên ku Amerîkayê bi sedema Tirkiye ji Rûsyayê sîstema S-400 an kirîbû, dorpêçên ku bi vê sedemê hatibûn danîn ser Tirkiyê dewam dikin. Eger Tirkiye ji Rûsyayê sîstema sîlihên giran bikire, dê dorpêçên nû bo ser Tirkiye bên danîn.”
Şîrketa Rûsyayê ya bi navê Rosoboronexportê ragihandibû ku nêze peymana duyem ya S-400 an bi Tirkiyê re bê îmzekirin.
Piştî Tirkiye ji projeya F-35 an hat derxistin, Rûsya gotibû ku ew amade ne balafirên Su-35 û Su-57 an bifroşin Tirkiyê.
Amerîka li ser mijara Kibrisê ya vekirina herêma Maraşê bi her awayî naxwaze lê Tirkiye biryarê daye ku qismen devera Maraşê veke. Ev bû sedema berteka Amerîkayê.
Li terefê dinê Amerîka dixwaze Tirkiye ewlehiya balafirxana Kabîlê bigre ser xwe û di mijarê de timatiya Tirkiyê dike.