Wezareta Derve ya Amerîkayê derbarê êrîşên bi balafirên bêmirov ên ser Rojavayê Kurdistanê yên artêşa Tirkiyê, dilgiraniya nîşan da û daxwaza aramkirina rewşê kir.
Li gorî nûçeya Rûdawê berdevkek li ser navê Wezareta Derve ya Amerîkayê li ser êrîşa îro Yekşemê bi ser otomobîleke Rêveberiya Xweser li bajarê Qamişlo de ragihand: “Wîlayetên Yekbûyî yên Amerîkayê pir dilgiran e derbarê nûçeyên taybet bi zêdebûna çalakiyên leşkerî li Bakurê Rojhilatê Sûriyê.”
Rayedarê Amerîkî herwiha gotiye, “Em piştgiriya mana hêlên agirbesta niha dikin û hemû aliyan jî teşwîq dikin ku rewşê aram bikin.”