Merkezê Xeberan- Wezîrê Karanê Teberî yê DYA Mîke Pompeoyî îzeh kerd ke, eke Tirkîya Vakur û Rojakewtena Sûrîye de xeta ke amey eşkerakerdene ra bivejîye, û seba mudaxeleyêkê leşkerî hewce bibo ê amade yê.
Wezîrê Karanê Teberî yê DYA Mîkî Pompeoyî Wilfred Frostê CNBC'yî rê qisey kerd û vera awile verba Tirkîya weçînayîşê înan ê leşkerî ard ziwan. Pompeoyî vat: "Herinda şerî de ma haştîye weçînenê" û eşkera kerd ke eke hewce bibo zî hîşyarîya Donald Trumpî seba çalakîyêka leşkerî bi temamî amade ya.
Na eşkerayîya Pompeoyî ya wextê adirbinayîşî de bale ante. Adirbirbayîş do ewro saete 22:00 de biqedîyo. Pompeoyî îfade kerd ke verba Tirkîya hêzê ekonomîkî xebitnenê û nê reyde bi rayîrê dîplomatî zî tedaya bêçekî bixebitnê. Pompeoyî vat ke bi adirbirnayîşo ke mabênê hêzanê QSD'yî û Tirkîya de ame îmzakerdene, îdîa kerd ke 'zafê ganî ameyî xelisnayene' û vat: "Têna ganê şervanan (Kurdan) ney, herême de cuya etnîkîyan zî ameye xelisnayene."
Pompeoyî 'xeta sûre' ya wextê Barack Obamayî ya verba rejîmê Sûrîye vist vîrî û vat, "Welato ke Tirkîya îşxaql kerd Sûrîye yo, neteweyêko sermîyan o." Pompeoyî pare kerd ke rast o ke DYA hêzanê QSD'yî reyde verba DAÎŞ'î şer kerd û no îtîfaq hem seba Kurdan hem zî seba DYA û seba pêroyê dinaya bişansî bîyo. Pompeoyî da zanayene ke çarçeweya nê îtîfaqî de çi keweno milê DYA ser zî.