Hat ragihandin ku Wezîrê Derve yê Tirkiyê Mevlut Çavuşoglu û Wezîrê Derve yê Amerîkayê Mîke Pompeo peywendiyeke telefonî pêk anîn.
Wezareta Derve ya Amerîkayê derbarê peywendiya telefonî ya di navbera Mike Pompeo û hevtayê wî yê Tirkiyê Mevlut Çavuşoglu de daxuyanî da.
Di daxuyaniyê de hate ragihandin ku pirgirêkên di navbera Tirkiye û Amerîkayê de û mijara egera operasyona Idlibê hate gotûbêjkirin.
Li gorî daxuyaniyê Çavuşoglu û Pompeo tekez kirine ku operasyonekê li dijî Idlibê nayê qebûlkirin.
Di daxuyaniya wezaretê da wiha hat gotin: "Wezîr Michael R. Pompeo îro bi têlefonê ji Wezîrê Karên Derva yê Tirkiyeyê Mevlut Çavuşoglu ra axivî û herdu wezîr mutabiq bûn ku heke rejima Esed êrîşî Îdlibê bike, ev nayê qebûlkirin û wê rageşiya li Sûriyeyê zêde bike. Her wiha Wezîr (Pompeo) li ser girîngiya ku berdana Andrew Brunson sekinî. Wezîran li hev kirin ku seba fikarên hevpar û çareserkirina pirsgirêkan axaftin û hevdîtin dewam bikin.”