Merkezê Xeberan
Hukmatê Amerîka aşkera kerd ke Amerîka Sûrîye ra eskeranê xo peyser ancena û va: Tirkîya do demêko nêzdî de Rojhilatê Firatî rê operasyonêka eskerî virazo. Amerdîka desteg nêdana na operasyone la uca de zî nêvindena û eskeranê xo peyser ancena.
Vizêr serekê Tirkîya Recep Tayyip Erdoganî bi telefon serekê Amerîka Donald Trumpî dir Sûriye û operasyona ke Tirkîya wazena Rojavayê Kurdistanî biko ser o qisey kerd.
Nê pêvînayîşî ser o Koşka Spî beyanatêk da û aşkera kerd ke Amerîka Sûrîye ra eskeranê xo peyser ancena û va: Tirkîya do demêko nêzdî de Rojhilatê Firatî rê operasyonêka eskerî virazo. Amerdîka desteg nêdana na operasyone la uca de zî nêvindena û eskeranê xo peyser ancena.
Beyanat de vajîya ke Amerîka desteg nêdana operasyona Tirkîya la nêbena sebeb ke wa Tirkîya Rojavayê Kurdistanî rê operasyon biko û uca îşgal biko.
Dewamê beyanatê Amerîka de wina vajîya: “Hêzê Amerîka do paştî nêdê operasyone, do operasyone de ca nêgîrê Hukmatê DYA zaf rey Fransa, Almanya û welatanê bînan ê Ewropa ra waşt ke şervananê Dewleta Îslamî yê tepişteyanê ke welatanê înan ra yê, bigêrê. La ê nêwazenê û red kenê. Tirkîya do nika na mesela de mesul ba.”