Artêşa Amerîka şaristanê Rojavayê Kurdistanî de Hesekê de cayêko pîl virazena û tede teyaragehê eskerî zî esto.
Goro ke ajansê resmî yê Sûriye “SANA” aşkere kerd, artêşa Amerîka cayê teyaragehî qezay hasekê Til Koçer de virazena.
Vajîya ke, Amerîka bi na game wazena Sûriye de estbîyayîşê xo zêde bika û cayo ke tede petrol zêde yo kontrol bika.
Xeylî wexto ke Serekê Amerîka Donald Trump dayo ke Amerîka do Rojavayê Kurdistanî û Sûriye ra hêzanê xo bianco, qerarê Amerîka ra dima dewleta Tirkîya û çekdaranê girêdayîyê aye bajaranê Rojavayê Kurdistanî Girê Sipî û Serê Kanî rê hêriş kerdbî û ê bajarî îşgal kerdbî.