Ame vatîş ke, destê Amerîka de de derheqê kişîyayîşê lajê Ûsame Bîn Ladînî de malumatêk esto.
Goreyê îdîaya televîzyonê NBC’yî lajê Ûsame Bîn Ladînî, ke 2011 de amebi kiştiş, Hamza Bîn Ladîn merdo. New York Timesî zî na xebere rast kerd. La onca zî nêno vatiş ka key û bi çi qayde Hamza Bîn Ladîn merdo.
New York Timesî zî va: Hamza Bîn Ladîn, ke lîsteya sîya ya Amerîka de yo, mîyanê nê 2 serran de beno ke merdo. Îdareyê Donald Trumpî yo ke bêvengî tercîh keno beno ke operasyona kiştişê Hamza Bîn Ladînî de ca girewto.
Amerîka 1 mîlyon dolarî xelate dabî serê tepiştişê Hamza Bîn Ladînî. Ûsame Bîn Ladîno ke wextêko derg serekîya El Qaîdeyî kerdbi zî serra 2011’î de Pakîstan de bi operasyonêk amebi kiştene.