Merkezê Xeberan - Şaristanê Minneapolisî yê Amerîka de afro-amerîkanijêk hetê polîsan ra ame kiştene û dima ra semedê protestokerdişê ey protestoyî dest pêkerdî û şewa hîrêyîne de qereqolêka polîsan amey vêşnayîş.
Şewa panceşemeyî çalakîkeran polîsan dir şer kerd û qereqola ke tede polîsê kiştoxê George Floydî xebitîyayêne, vêşna. Bi hezaran kesî beşdarê çalakîyanê vakurê şaristanî bîyî. Tay çalakîkeran zî zor da bendanê verê qereqolî û camî şiknayî.
Polîsan beyanat da ke şewe saete 22 de semedê asayîşê personelan bîna ameya vengkerdene. Çalakîyanê protestoyî nîmroje ra dima dest pêkerdbî. Wexto ke Geroge Floydo afro-amerîkanij (46) hetê polîsan ra ame kiştene çalakî dest pêkerdî.
Polîsan wexto ke Floyd tepişt, o erdî ser o kerdbi derg û polîsêkî çokê xo nabi milê ci ser û bi no qayde Floyd xeniqna.