Cîgirê Serokê Amerîkayê Mike Pence îro li gel Serokwezîrê Herêma Kurdistanê Nêçîrvan Barzanî peywendiyeke telefonî pêk anî û herdu aliyan behsa çend mijaran kir.
Li gorî daxuyaniya Koşka Spî, Mike Pence êrîşa bi moşekî ya Îranê ya li ser Herêma Kurdistanê wek, “hewldanek ji bo êrîşkirin û neseqamgîrkirina cîranê xwe yê herî nêzîk” binav kir.
Di daxuyaniyê de hate gotin ku herdu serkirdeyan li ser helwesta Kurd a ji bo pêkanîna hikûmeta Iraqê guftûgo kirine û herwiha balkişandine ser hevbeşbûna stratejîk a di navbera Kurdan û Amerîkayê de.