Dewleta Amerîka do seba Îranî hezar eskeranê bînan bierşawo Rojhilatê Mîyanênî.
Serkarê Pentagonî Patrîck Shanahanî derheqê erşawitişê eskeran de qisê kerd û va “Ma qerar dayo ke hezar eskeranê xo ê binan bierşawe Rojhilatê Mîyanênî.”
Wekîlê Wezîrê Pawitişî yê Amerîka Shanahanî îzeh kerd ke, no tedbîr seba pawitişê eskeranê Amerîka yê herême û pawitişê menfaatanê netewî yê Amerîka yo. Shanahanî va "Nîyêtê Amerîka çino ke Îran dir pê biko û diyalog rono.”
Heto bîn ra Verfekê Wezaretê Karanê Teberî yê Amerîka roja dişeme derheqê Îranî de beyanatêk dabi. Beyanat de amebi vatiş ke, Îran xebata zêdekerdişê rezervanê ûranyûmî keno û ortaxanê Amerîka ra amebi waştiş ke wa destûr nêdê şantajê nukleerî yê Îranî
Verfekê Wezaretê Karanê Teberî yê Amerîka Morgan Ortagusî Washîngton de kombîyayîşê çapemenî kerd û va, “Ma cematê mîyanneteweyî ra vanê; ganî ma rayîr nêdê şantajê nukleerî yê Îranî.”
Û ewro zî Wekîlê Wezîrê Pawitişî Shanahanî aşkera kerd ke Amerdîka do hezar heb eskertanê xo seba Îranî bierşawo Rojhilatê Mîyanênî.