Vizêr Eyaletê Amerîka Texas de yew hêriş de 20 kesî merdbî û 26 kesî zî birîndar bibî.
Hêrişî ra 13 saete badê na rey Ohio de bi çekan yewna hêriş virazîya û 9 kesî merdî. No hêriş de zî 27 kesî zî birîndar bîyê.
Mîyan yew roje de Amerîka de 29 kesî bi hêrişê çekdarî de amey kiştene.
Hêrişê Ohio vernîya yew barî de virazîya. Ekîbê polîsan demêo kilm de amey cayê hêrişî û aşkere kerd ke hêrişkar ameyo kiştene.
Ame aşkerakerdiş ke, wîlayetê Eyaletê Ohio, Dayton de Conner Betts o 24 serrî hêriş kerdo şarî ser.
Vajîyeno ke waya Conner Bettsî zî hêriş de merda. Sebebê hêrişî hema nêameyo zanayîş.
Polîsî semedê nê hêrişan vanê, hêrişê terorî yê. Vajîyeno ke Amerîka de êyê ke pîltîya qewmê sipîyan pawenê nê hêrişî kerdê.
Hêrişkarê Texsasî zî Patrick Crusius o 21 serrî bi û nê hêrişkarî 20 kesî qetl kerdbî.