Şewa bîne qezaya Amediye ya Duhokî de mabênê PKK û Hêzanê Pêşmergeyan de pêrodayîş vejîya, pêşmergeyêk şehîd bi.

Vajîya ke pêşmergeyo ke şehîd bîyo şarê Bakurê Kurdistanî ra yo û tirmê ey do bajarê Zaxo de bêro definkerdene.

Şewa bîne saete 23:30 de otomobîlêka PKK nêzdîyê dewa Berê Gare ya Amediye de waşt nûqteya kontrolî ya Hêzanê Pêşmergeya ra vîyaro la hetê pêşmergeyan ra amey vindarnayene. Badê zî mabênê Hêzanê Pêşmerge û gerîlayanê PKK de minaqeşe vejîya û badê zî pêrodayîş vejîya.

Minaqeşeyê mabênê PKK û Pêşmerge de, pêşmergeyêkê Eserê Roj dinyaya xo bedilna.

Bedel Bendî, Fermandarê Eskeranê Roj derheqê hedîse de va ke,“pêşmergeyo ke şehîd bîyo, namê ey Ebdurehman Emîn o û şarê Bakurê Kurdistanî ra yo.”