Ewro serê sibayî rew polîsan Amed û Entab de eşt xeylê keyeyan ser û bi desan kesî ameyî tepiştiş.
Operasyone de Edîtora Jinnewsî û Vervatoxa Platformê Rojnamegeranê Cinîyan ê Mezopotamya Ayşe Guney, Vervatoxa Têgêrayîşê Cinîyanê Azadan (TJA) Ayşe Gokkan, Hemsereka MED-TUHAD FEDî Elîfe Haran, Endama Komeleya Hetkarîya Keyeyanê Tepişteyan (TUAY-DER) Rabîa Ateş, Endama Meclîsê Şaredarîya Rêzanî Panayire Çelîk, Hemsereka Verêne ya HDPyî ya Yenîşehîrî Demete Ozkaran, Zekîye Guler, Fîgene Ektî, Ronda Bat, Rozerîne Çatak, Emîne Kaya, Dîlane Yakut û Guneşa ke peynameyê ci nêzanîyeno zî tede xeylê cinîyî ameyî tepiştene.
Ame zanayîş ke polîsan eşt keyeyanê Îdarekara TUAY-DERî Bahare Akyapi û Hemsereka HDPyî ya Sûrî Hatune Yildiz ser zî la ê keye de nêbî.
Sebebê tepişyayîşê cinîyan nêzanîyeno. Cinîyî erşawîyayê Mudirîya Asayîşî ya Amedî.
Entab de zî Hemserekê HDPyî yê Dîlokî Musa Aydin, Hemserekê HDPyî yê Şahînbey û Şehîtkamîl, Hemserekê DBPyî yê Dîlokî Mehmet Vural, 2 muxtar û avûkatêke zî tede 33 kesî ameyî tepiştene.