Polîsan qezaya Kayapinarî ya Amedî de eşt keyeyê Faris Turkî ser û pê kutikanê xo hêrişê ey kerd.
Taxa Dîclekentî ya qezaya Peyasî ya Amedî de polîsan saete 05:00 de berê keyeyî şikit û pê kutikanê xo hêrişê endamanê keyeyî kerd. Polîsanê ke kutikî verdayî endamanê keyeyî ser, Faris û cinîya ci rê îşkence kerd. Şêlikê bîna bi vengê kutikan û qîrayîşanê 2 domananê Turkî şîyar bîyî.
Polîsan dima ra keye serûbin kerd û Faris Turk berd qereqol. Polîsan dest na tay kitaban ser û Turk berd Şubeyê TEMî yê Mudirîya Polîsan a Amedî.
Yeno vatene ke polîsan şaristan de eşt xeylê keyeyan ser û zaf kesî berdî qereqol