Qezaya Amerdî Rezan de nobetdarî keso ke waştêne tepişê orteyê rayîrî de vist waro û payna milê ci ser. Dima ra polîsî ameyî û înan ra yewî zî paskul dat rîyê ey ro. 4 kesê ke hêrsê xo nişan day zî ameyî tepiştiş.
Hemwelatîyan na hedîse pê telefonanê xo ant. Vîdeo de asîyeno ke nobetdarî pê zor kesêk erzenê erd û verdîyenê ci. Seba ke derûdorî ra şarî razînêbîyayîşê xo mojna, pawitoxan xebere da polîsan. Xeylê wesayîtê zirxinî ameyî cayê hedîse. Dima ra polîsî ameyî înan ra yewî paskul da rîyê kesek ro.
Polîsan bi gazê bîberî mudaxeleyê ciwananê ke razînêbîyayîş ramojna kerd û 4 kesî tepiştî. Pêroyî de 5 kesî hetê polîsan ra ameyî tepiştiş.