Merkezê Xeberan - Amed de hemwelatîyêko 35 serre yo ke Nêweşxaneyê Perwerde û Cigêrayîşî yê Gazî Yaşargîlî de tedawîyê vîrusê Korona dîyene vizêr şan wefat kerd. Bi no qayde Amed de hûmara kesanê ke vîrusê Korona ra merdî bîy 10.
Taxa Adnan Menderesî ya qezaya Erxenî ya Amedî de zî apartmanêk gêrîyaye binê karantîna. Ame zanayîş ke apartman de keyeyê bi 9 kesan rîyê adirê berzî û tengîya nefesî wedarîya Nêweşxaneyê Dewlete yê Erxenî. Nê kesan ra kesêk nêweşxane de yeno weşkerdene, ê hemwelatîyê bînî zî keye de gêrîyayî binê karantîna.
Heto bîn ra ewro ra tepîya do dekewtiş û vejîyayîşê qezaya Sûrî mabênê saetanê 08:00 û 18:00 de seba wesayîtan bêrê girewtene. Şaristan de Dagkapi, Tekkapi, Çîftkapi û Mardînkapi de noqtayanê kontrolî ê polîsan de adirê hemwelatîyan do bêro peymitene.
Noqtayanê kontrolî de derbazbîyayîşê kesanê ke serra înan 60î ra pîlêr yan zî 20î ra qijêr ê û nêweşîê kronîkî yê qedexe yê. Hemwelatîyê bînî zî dima ke adirê înan bêro peymitene eşkenê noqtayanê kontrolî ra derbaz bibê.