Amed de Platformê Paştdayîş û Pawitişê Şaristanî bi beşdarîya 82 rêxistinanê komelê sivîlî ronîya.
Amed de Platformê Paştdayîş û Pawitişê Şaristanî bi beşdarîya 82 rêxistinanê komelê sivîlî ronîya. Ronîyayîşê platformî Otêla Park Greenî de bi kombîyayîşê çapemenîye ame deklarekerdene. Eşkerayîya platformî hetê Sereka Odaya Tabîban a Amedî Elîfe Turan ra ameye wendene.
Eşkerayîye de ame parekerdene ke seba ke kultur, awanî, mîmarî û tarîxê Amedî bipawo platform ronîyayo. Eşkerayîye de armancê platformî zî wina ameyî rêzkerdene:
''-Platform armanc keno ke cuya şaristanî bikero bikalîte, bisihet, perwerdeyê bikalîteyî pêşkêş bikero, têdûştîya cînsîye aver bero.
-Platform armanc keno ke têkilîyanê komelkî û kulturelan aver bero û erjanê kulturelan bipawo.
-Platform armanc keno ke îdareyê bi beşdarîya pêro hetan aver bero.
-Platform armanc keno ke komelê sivîlî aver bero û mabênê îdareyanê umûmîye û herêmîyan de têkilîye bihêz bikero.
-Platform armanc keno ke nasname û kulturê şaristanî aver bero û bikero ke her kes bi hawayêkê têdûştî berhem û çimeyanê şaristanî ra îstîfade bikero.
-Platform armanc keno ke vera tehluke, gef û rewşanê xiraban ê serê şaristanî aktor û dînamîkanê bînan reyde têkoşîn bikero.''
Eşkerayîye de venga pêro hemwelatîyanê Amedî dîya ke platformî reyde seba pawitişê şaristanî têbigêro.
Kombîyayîşê çapemenîye pê persanê rojnamegeran qedîya.