Merkezê Xeberan - Amed de mabênê di keyeyan de pêrodayîş vejîya. Pêrodayîşo ke çekî ameyî şuxulnayene de 2 kesî merdî û 6 kesî zî bi giranî birîndar bîyî.
Taxa Ben û Senî ya qezaya Yenîşehîrî ya Amedî de minaqeşeyê 2 keyeyan agêra pêrodayîşê bi çekan û 2 kesî merdî.
Semedê qezayêkê motorsîkletî mabênê 2 keyeyan de minaqeşe vejîya û saetanê fitarî de minaqeşe agêra pêrodayîşê bi çekan. Netîceya pêrodayîşî de Şehmuz A. û İzzettin E. merdî û yewê înan doman 6 kesî zî bi giranî birîndar bîyî.
Merde û birîndarî wedarîyayî Nêweşxaneyê Dewlete yê Selahaddîn Eyyûbîyî yê Amedî. Pêrodayîşê keyayan tîya de zî dewam kerd û pancerayê nêweşxaneyî şikîyayî.