Kombîyayîşê bi nameyê “Vakûrê Kurdistanî de Xoarêdayîşê Hereketê Netewî ya Kurd” ke hetê PAK û PSK ra amebi organîzekerdiş, Amed de roja (08.09.2019) de virazîya.
Serekê Pêroyî yê PAKî Mustafa Özçelik, Hetkarê Serekê Pêroyî yê PSKî Bayram Bozyel, Verfekê PDK Vakûr Hamit Kiliçaslan, temsîlkarê PAK, PSK, PDKî kombîyayîş de ca girewtî. Qasê 50 sîyasetmedarê Kurdî ê ke seba kombîyayîşî ameybî dawetkerdiş zî beşdarê kombîyayîşî bîyî.
Hetkarê Serekê Pêroyî yê PAKî Sait Aydoğmuşî û Hetkarê Serekê Pêroyî yê PSKî Hasan Dagtekinî moderatorîya kombîyayîşî kerd.
Kombîyayîş bi seba şehîdanê Kurdistanî rêzgirewtiş dest pêkerd.
Hetkarê Serekê Pêroyî yê PAKî Sait Aydoğmuşî nameyê PAK û PSKî ser o bi Kurdkî qaiseykerdişêk kerd.
Qalîkerdişê Sait Aydoğmuşî ra pey kombîyayîş çapemenîye rê padaye dewam kerd.
Rojeva kombîyayîşî zî wina bî:
“Vakûrê Kurdistanî de vilabîyayîşê hereketa netewî-demokratîk rastîyêka ma ya.Vakûrê Kurdistanî de caardişê prensîbê netewî-demokaratîk ya hereketa netewî-demokratîk lazimtîyêka esasî ya. Derheqê na lazimtî de û derheqê caardişê rayîr û raybazê na lazimtî de ma wazenê nê kombîyayîşî de rayîr û raybazan bigêre û vîr û vînayîşê xo yewbînan reyde pare bike.”
Kesê ke beşdarê kombîyayîşî bîyî seba rojeve fikir û rayê xo îzeh kerdî. Heme beşdarvanê kombîyayîşî îzeh kerdî ke, no kombîyayîş do sibaroj seba safîkerdişê problemanê mîyanê xo yê hereketa netewî-demokratîk û seba xurt kerdişê kulturê yewbînan reyde xebate rolêko muhîm kay biko.
Qiseykerdiş û minaqeşeyan ra dima qerar ame girewtiş ke wa nê kombîyayîşî dewam bikê. Beşdarvanan kombîyayîş de nê çîyan ser o pê kerd :
-Rojanê vernîya ma de gere pîya xebate bêra kerdiş.
-Ganî seba problemanê hereketa netewî-demokratîk fikir û vînayîşêko ortax bibo. Ganî dewamê nê dîyalogan û parkerdişê fikran bêro.
-Seba xoarêdayîşê hereketa netewî-demokratîk do helwestêka aktîf bêra xebitnayîş.
-Kombîyayîşê rojevê dîyar kerdî ser o, ma do awankerdişê hemkarîya mende xo rê bike armanc û nê kombîyayîşî do timî bêrê organîze kerdiş.
Kombîyayîşê “Vakurê Kurdistanî de Xoarêdayîşê Hereketa Neteweyî ya Kurd” bi awayêko berhemdar û mîyanê atmosferêko hêvîdar de qedîya.
PAK (Partîya Azadîya Kurdistanî)
PSK(Partîya Sosyalîst a Kurdistanî)