Merkezê Xeberan - Amed de nêweşêka ke vîrusê Korona ra tedawî dîyene wefat kerd.
Nêweşxaneyê Dewlete yê Selahattîn Eyyûbîyî de dima ke rewşa nêweşa 50 serre bîy giran sewqê Fakulteyê Tipî yê Unîversîteya Dîcle amey kerdene.
Nêweşa ke serwîsê ciewnîyayîşê giranî de ameyêne weşkerdene wefat kerd.
Amed de heta nika 5 kesî vîrusê Korona ra merdî.
Ame aşkerekerdene ke, Amed de heta nika 150 kesî bi gumanê vîrûsê Corona kewtê nêweşxaneyan, înan ra 6 kesî beşa çimdarîye de yê û rewşa înan xirab a.