Merkezê Xeberan - Amed de hûmara kesanê ke semedê vîrusê Korona ra nêweşxaneyan de yenê weşkerdene zêdîyena.
Ame zanayîş ke şaristan de 140 kesê ke testê Korona bîyê înan ra testê 59ê tenan pozîtîf vejîya û nêweşxaneyan de yenê weşkerdene. Nê kesî mabênê 16 û 91 serre yê. 38 nêweşî zî taburcu bîyî û înan ra 2 kesan de vîrusê Korona tesbît bibi.
Ame îzehkerdiş ke, Nêweşxaneyê Cigêrayîşî û Perwerdeyî yê Gazî Yaşargîlî de roja şemeyî ra nata hûmara testan zêdîya û bi no qayde hûmara nêweşan zî zêdîya.
Amed de heta nika 5 kesî vîrusê Korona ra merdî.