Merkezê Xeberan - Sistkerdişê tedbîranê virusê Korona ra dima Amed de hûmara nêweşanê Korona zêdîya. Zêdîyayîşê hûmara nêweşan ra dima Heyetê Weşîye yê Amedî qerar da ke 10ê hezîrane ra tepîya şaristan de bê maske tebervejîyayîş qedexe yo.
Amed de hûmara nêweşan bîy hezar û 150. Roşanê Remezanî ra dima 200 kesî nêweşxaneyan de tedawî vînenê ke înan ra rewşa weşîye ya 20 kesan giran a.
300 kesî zî keye de binê îzolasyonî de yê. Şaristan de jan vera pê rayîrê mewlûd, şîn û zîyaretê keyeyan vila beno. Tewr peyên taxa Avdalli ya Çinarî de 15 kesan kesêkî/e ra jan girewt.