Şaristanê Bakûrê Kurdistanî Amed qasê 2 aşmîyo ke hetê virusê Korona ra şaristano ke tewr zêde tede virusê Korona vila bîyo de ca gêno.
Gorê raporê Sendîkaya Xizmetanê Komelî û Kedkaranê Weşîye (SES) Amed de her roj tewr kêmî 10 merdimî rîyê janê Korona ra mirenê û her nroj testê Korona yê 750 kesan pozîtîf vejîyeno.
Hemserekê SESî yê Şubeyê Amedî Şiyar Güldikenî Kanalê Rudawî rê qisê kerd kerd û va: Amed de hetanî nika 500 kesan ra zêde tenî rîyê janê Korona ra merdê. Bê ke kesê ke nêweşxaneyan de tedawî vînenê, 20 hezar tenî keyeyanê xo de binê karantîna de yê. Amed de heta nika 100 hezar kesan ra zêde merdimî bi Korona bîyê.
Amed de Sendîka û dezgeyê sîvîlî vanê ke, semedo ke dewlete tedbîran nêgêna, aye ra Amed de virusê Korona hende vila bîyo.