Merkezê Xeberan - Bajarê Bakûrê Kurdistanî Amed de 5 serran ra pey vore vara. Vore vizîr dest pêkerd û ewro nêvara. La vora ke vizîr vara hema zî erd ser o ya.
Varayîşê vore ra pey her hetê şaristanî bi sipî û dîmenê rengînî vejîyayî werte.
Vore ver Amed de mektebî zî 2 rojîyo ke padîyaye yê û gedeyî nêşinê mekteb.
Gedeyê panc serrî ke Amed de cuyenê heta nika destê xo nêsawitbî vore. Varayîşê vore en zaf ê tutan keyfweş kerd.
Şaristan de bi kêfweşîya tutan Baxçeyanê Hevselî û Çemê Dîcle de zî dîmenê rengînî vejîyayî werte. Tutan û ciwanan vore sey firsend dî û vejîyayî meydanan û parkan û pê vewre kay kerd. Tutan û ciwananê ke pê vore kay kerdêne, fotografî antî.