Vernîyazo ke seba qedexekerdişê Nîşanê Bozkurtî yo nîjadperest pêşkêşê Meclîsê Federalî amebi kerdene, saetanê şewe de ame tesdîqkerdene.
Welatê Ewropa seba qedexeyê nîjadperestan ê MHPyî qanûnan vejenê. Fransa ra dima Almanya zî seba qedexeyê Nîşanê Bozkurtî gamêk eşte. Vernîyazo ke seba qedexekerdişê Têgêrayîşê Bozkurtî yo nîjadperest pêşkêşê Meclîsê Federalî amebi kerdene, saetanê şewe de ame tesdîqkerdene.
Partîya Çepe bi vernîyazêke Wezaretê Karanê Zereyî ra waştbi ke Têgêrayîşê Bozkurtî wa b3ero qedexekerdene.
Nîjadperestê ke Almanya de qasê 11 hezar endamê ci estê, xo binê sîwana Federasyonê Komeleyanê Tirkan ê Nîjadperestan ê Demokratîkan ê Almanya (ADUTDF) û Yewîya Kulturê Îslamî ya Tirkan ê Ewropa (ATÎB) de rêxistin kenê.
Vernîyaz de vera Têgêrayîşê Nîjadperestan hukmatî ra nê waştişî ameyî kerdene:
-Ganî vera nîjadperestîye Ewropa de pêro tedbîrî bêrê girewtene.
-Ganî çarçewa dewleta huqûqî de vera nê koman têkoşînêk bêro kerdene.
-Ganî vera weşanan ê ajîtasyonkerdeyan ê Têgêrayîşê Nîjadperestî têkoşîn bêro kerdene.
-Ganî kesa û komê ke nîjadperestîye înan rê gef wanena înan rê paştî bêra dayene.