Hukmatê Federalî yê Almanya cewab da persnameyê Partîya Çepgîre û eşkera kerd ke înan 2020 de qasê bi vaya 22,9 mîlyon euro çekî rotî Tirkîya.
Dima ke 9ê teşrîna verêne ya 2020î de Tirkîya hêrişê Rojawanî kerd hukmatê Almanya dabi vatbi, ê hînî çekan nêroşenê Tirkîya. La dima ra vejîya werte ke 2019 de Almanya bi vaya 31,6 mîlyon euro çekî rotî Tirkîya.
Partîya Çepgîre ya muxalîfe çend rojî verî persnameyêk da Meclîsê Federalî. Hukmatê Almanya îtîraf kerd ke înan înan 2020 de qasê bi vaya 22,9 mîlyon euro çekî rotî Tirkîya. Îşxalê Efrînî de zî tankê Leopardî yê Almanya şuxilîyabî û no zî bibi sebebê nêrazîbîyayîşan.
Wezîrê Karanê Teberî yê Almanya Heiko Massî vat ê nêeşkenê bi temamî bazirganîya çekan a bi Tirkîya vindarnê û bi nê hawayî ard ziwan ke ê do reyna çekan biroşê rejîmê Erdoganî.