Aldar Xelîl wazeno wa Encumena Niştîmanî ya Kurd a Sûrîye (ENKS) kena ke ofîsanê xo abikero û falîyet bikero.
Endamê Desteya Rayverî yê Tevgera Civaka Demokratîk (TEV-DEM) Aldar Xelîl wazeno wa Encumena Niştîmanî ya Kurd a Sûrîye (ENKS) kena ke ofîsanê xo abikero û falîyetanê xo bikero.
Rojnameyêk de roportajê Aldar Xelîlî ame weşanayîş û Aldar xelîl vano: Problemê sîyasî hende pîl nîyî. Nê problemi zerar danê yewîtîya ma ya netewî. Meqsetê ma pêrune no yo ke, ma qayîlê şarê xo rê xizmet bike.
Aldar Xelîlî va: Ma nêzanê ENKS qey ofîsanê xo anêkena û Rojavayê Kurdistanî de falîyet nêkena. Rayverîya Xosere qerar daya ke wa wa ofîsê ENKS bêrê akerdiş û karo siyasî bêro kerdene.
Xelîlî îzeh kerd ke, qey astengîyêk vernîya ENKS de çin a.
PDK-S: Gere hepsîyê sîyasî bêrê veradayîş
Endamê Polîburoya Partîya Demokrata Kurdistanî Sûriye (PDK-S) Muhsin Tahir zî derheqê na mesela de beyanatêk da û va: Problemê akerdişê ofîsan gere bêro safîkerdiş. Gere hepsîyê sîyasî serbest bêrê veradayîş.