Albumo ke deyîranê Gêxîyî ra ameyo pê, hetê Alî Dogan Gonultaşî ra ameyo hedrekerdiş.
Alî Doxan Gonultaş Kirmancanê Gêxîyî ra yo. Alî Dogan û embazanê xo grûba Zetîje awane kerdibî.
Grûbe albumê zaf serkewteyî vetê. Alî Dogan Gonultaş, nika bi tena yanî albumêko solo veto. Nê albumê ci yê neweyî de deyîrê gelêrîyî yê Gêxîyî ca genê. Xebatê albumî serran ra nat dewam kenê.
Albumî de deyîrê Kirmanckî, Kurmanckî, Ermenîkî û Tirkîyî ca genê. 30ê Adare de nê albumî ra derîrêka bi nameyê ‘Bostano’yî Youtûbî ser ra ameye weşanayîş. Sewbîna zî derheqê prosesê viraştişê albumî de belgefîlmêka kilmeke ameya hedrekerdiş û Youtûbî ser ra ameya weşanayîş. Goreyê malûmatan, album bi temamî ameyo hedrekerdiş la album do reyêk de mevejîyo. Mîyanê 3-4 aşman de deyîrê albumî do peyderpey bêrê weşanayene. Temamê albumî zî dima do sey plakêk bivejîyo. Alî Dogan Gonultaşî vato ma waşt ver bi tarîx û kurturê xo vejîyê raywanîyêk. Reyna ey vato ma goreyê formanê tradîsyonelan deyîrî qeyd kerdê û ma goreyê kulturê muzîkî enstrûmanî şuxilnayê.