Merkezê Xeberan - Albuma Vengê Royî ya diyîne yo ke hetê 10 hunermendan ra ameya hadrekerdiş û mîyanê ci 10 hebî deyîrê kirdkî (zazakî) estê vejîya.
Albuma Vengê Royî-2 hetê 10 hunermendan ra amey amadekerdene û tede 10 hebî deyîrê kirkî (zazakî) estê ke qiseyê ci hetê Kadîr Buyukkayayî ra nusîyayî. Albuma ke 3 serrî verê cû hazirîya ci dest pêkerdbî bi aranjorîya Hakan Akayî de amey qeydkerdene.
Hunermendê ke Albumê Vengê Royî-2 de ca gênê wina yê: Beser Şahîn, Rojda, Gulsevene Medar, Sasa, Hani Mojtahedy, Tara Memedova, Mîkaîl Aslan, Mehmet Akbaş, Kerem Sevînç, Xêro Abbas.
Albuma Vengê Royî reya verêne serra 2015î de bi aranjorîya Cemîl Qoçkirîyî de hetê Mîkaîl Aslanî ra ameybî vetene.