Merkezê Xeberan
Aktîvîsta Kurde ya namdare ke Efrîn ra ya Xezal Sîdo wefad kerd. Xezal Sîdo wîlayetê Almanya Bonn de cuyêne û xeylê kurdî medyaya sosyale ser ra a sey "Dayika Kurdan" name kerdêne.
Xezal Sîdo 02-02—1944 de dewa wîlayetê Rojavayê Kurdistanî Efrînî Basot de sey kênaya Kurda Êzidî amey dinya.
Xela Sîdo Efrîn, Şam û Laziqiye de mend û qijtîya xo ra nata seba heqanê Kurdan û bi taybetî zî seba heqanê cinîyan xebate kerda.
Serra 1967î de şîya Almanya û uca de seba karê hemşîretîye wendişê xo qedêna. Serra 1972î de Dr. Salih Sîdoyî dir zewicîya û 3 lajê aye estê.
Serra 1990î de Herêma Nordrhine Westefallen (NRW) a Almanya de 300 hezar mark seba ardimî erşawit dewanê Vaşûrê Kurdistanî û seba Kurdan 3 dewî, qasê 100 banî viraştî.
Xezal Sîdo, hetêk ra zî Endama Merkezî ya bajarê Bonnî bîy. Xezal Sîdo mîyanê Kurdan de cîyayî nêkerdêne û mîyanê Kurdanê Almanya û heme Ewropa de amêne naskerdene.
Coka xeylê Kurdî medyaya sosyale se ra a sey cinîya Kurde, sey dayîka Kurdan nişan dayêne.