Gorê ajansê “AFB” aktîvîsta cinî ya Almane bi namê Hella Mewisvizêr paytaxtê Iraqî Bexda de hetê grûbêka çekdare ra ameya remnayîş.
Ame vatiş ke, Hella Mewis saete 20:00 de nêzdîyê merkeze Gotî de hetê grûbêke ra pê otombîlêka Pickup ameya remnayîş.
Hella Mewis serra 2015î ra nat Bexda de ya û hetkarîya projeye ronşvîrî ya ciwanan kena.
Bexda de xeylî wexto ke aktîvîstî, rojnamegerî û akedemîsyenî yenê remnayîş û kiştiş. Çend rojî verê cû rojnameger Hîşam El Haşimî vernîya keyeyê xo de amebi kiştene.