Merkezê Xeberan - Akademîya Muzîkî ya MA Amed de bi meqsedê perwerdeyê muzîkî yê kurdkî amey ronayene. Akademî do emser serrgêra xo ya 3. pîroz bikera.
Nika 700 ra zêdêr wendekarê akademîye estê. Akademîya Muzîkî ya Ma 4ê adare saete 16:00 de do bi beşdarîya Akademîya Dengêbîye cayê xo de serrgêra 3. ya ronayîşê akademîye pîroz bikera.
Koordînatorê Akademîye Şêrko kanîwarî derheqê xebatanê xo de tay zanayîşî dayî. Kanîwarî da zanayene ke pêro dezgehê kurdan hetê qeyûmî ra ameyî girewtene û polîtîkayê qeyûmî xebatanê kulutru û hunerî yê Amedî ser o tesîrêko xirab kerd. Kanîwarî eşkera kerd ke ke ê pêro îmkananê xo reyde xîret kenê ke waştişê xabatanê kultur û hunerî yê kurdan rê bibê cewabêk. Kanîwarî ard ziwan ke înan 25 deyîranê kirdkî, kurmanckî, sorankî ra kitabêk çap kerd û ê têna seba pîlseran ney seba domanan zî xebatan kenê. Kanîwarî qala kargehanê Akademîya MA kerde ke înan dewanê Amedî û Mêrdinî de par kargehî ronayî. Kanîwar vat: ''Ma armanc kenê ke muzîkê ma debikewo pêro dewe û taxanê, pêro domanan. Ma wazenê xebata ma biresa pêro şaristananê bînan.''