Ajansê Anadoluyî yê Tirkîya mektubê Serekê PKK Abdullah Ocalanî aşkera kerd. Gorê AAyî Ocalan seba weçînayîşê Îstanbulî HDP ra waşto wa bêteref bo.
Qaso ke Ajansê Anadoluyî aşkera kerd Doç. Dr. Dr. Kemal Ozcan şîyo Îmralî û Abdullah Ocalan dir qisey kerdo. Mektubo ke Ocalanî nuşto zî hetê akademisyen Doç. Dr. ALi Kemal Özcanî ra teslîmê HDP bîyo.
Gorê AAyî Ocalan seba weçînayîşê Îstanbulî HDP ra waşto wa bêteref bo.
Xebere de ame îzehkerdiş ke Ocalan wina vato: "Îtîfaqê demokratîk ke mîyanê HDP de ameyo ronayîş gere peyê sîyasetêk ra nêşo û rayîrê xo bi xo xêz biko. HDP Îtîfaqêka demokratik a û gere binê tesîrê sîyasetêkê binî de nêmana. Gere HDP rayîrê xo ra şêra û nêba hetê yew sîyasetêk"
Seke yeno zanayîş HDP û Hemserekê HDP o verîn Selahattîn Demîrtaş weçînayîşê 31ê Adare de desteg dabî namzetê CHP Ekrem Îmamoglu. Ekrem Îmamogluyî weçînayîş qezenc kerdbi la YSK îtîrazê AKP û MHP ser o weçînayîş betal kerdbî û weçînayîşê Îstanbulî roja yewşeme (23.06.2019) de yewno newekerdene.