Merkezê Xeberan - Wezîrîya Karanê Zereyî şaredarîyanê HDPyî yê Sêrt û qezayanê ci Hawêl û Misirc û nehîyeya Altinova û şaredarîya Îdirî rê qeyûmî tayîn kerdîç
Hemşaredara Sêrtî Bêrîvan Helen Işik, hemşaredarê Hewêlî Ramazan Sarsilmaz, hemşaradarê Misircî Baran Akgul û hemşaredarê Îdirî Yaşar Akkuş wezîfe ra ameyî girewtene û herinda înan de qeyûmî amê tayînkerdene.
Walî Ali Fuat Atik Sêrt de, qeymeqam Mehmet Tunç Hewêl de û Ihsan Emre Aydin zî Misirc de sey qeyûmî ameyî tayînkerdene.
Dormeyê şaredarîyan hetê polîsan ra gerîya binê ablûqa.Hemşaredara
Hemşaredarê Sêrtî Bêrîvan Helen Işik û Peymandara Turhan, hemşaredarê Îdirî Yaşar Akkuş û Eyleme Çelîk, hemşaredarê Hewêlî Ramazan Sarsilmaz û Ozdene Gulmez, hemşaradarê Misircî Baran Akgul û Esmer Baran, hemşaredarê Altinova Casim Budak û xebatkarê Şaredarîya Sêrtî Eşref Tekîn zî ameyî tepiştene.
Walîyê Sêrtî Ali Fuat Atik o ke sey qeyûm tayînê şaredarî bi, sey karê ewilî resimê Serekkomarê Tirkîya Recep Tayîp Erdoganî odeya xo ya newîye de dês ser o aliqna.