Merkezê Xeberan- Hemşaredarê Şaredarîyanê Hezro û Yenîşehîrî, Şaredarîya Hezexî ya Şirnexî û Şaredarîya Perî ya Mazgêrdî ya Dêrsimî bi fermanê Wezaretê Karanê Zereyî wezîfe ra ameyî girewtene û herinda înan de qeyûmî amey tayînkerdene.
Şaredarîya Perî ya Dêrsimî de qeyûm ame tayînkerdene. Cendirmeyî nêverdenê hemserekê Şaredarîya Pêrî Songule Dogan û Orhan Çelebî dekewê zereyê bîna û dormeyê bînaya şaredarîye hetê cendirmeyan ra ame girewtene.
Hemşaredarê Yenîşehîrî Belgîn Dîken û Mehmet Devîrenî wezîfeyê xo ra ameyî girewtene û Qeymeqamê Qeza Murat Beşikî sey wekîlê serekşaredar ame wezîfedarkerdene.
Hemşaredarê Hezroye Ahmet Çevîk û Gulîstan Ektîye zî wezîfeyê xo ra ameyî girewtene û herinda înan de û Qeymeqamê Qeza Alî Oner sey wekîlê serekşaredar ame wezîfedarkerdene.
Hezex de zî xeylê polîsî saetanê serê sibayî de şîyî keyeyê Hemşaredare Songul Erden û tebligatê dûrîvistişî dayî hemşaredare. Hemşaredar Erdene teblîgat îmze nêkerde.
Heta nika ci ra 3 şaredarîyê bajarê girdi, pêroyî de 20 16 şardarîyanê HDP rê qayûmî ameyî tayînkerdene.