Hêzên çekdar ên girêdayi Tirkiyeyê, bajarê Til Rifatê dan ber topên hawanan. Di êrîşê de 3 sivîlan jiyana xwe ji dest dan û 6 sivîl jî birîndar bûne.
Hêzên Çekdar a Tirk (TSK) û komên çekdar ên girêdayî wê Til Rifat da ber topên hawanan. Li gorî agahiyên pêşî 3 sivîlan jiyana xwe ji dest dan û 6 sivîl birîndar bûne.
Bajarokê Til Rifatê 35 K.M li rojhilatê Efrînê dikeve û mezintirîn bajarokê devera Şehbayê ye û xwedî cihekî stratejî di navbera bajarê Dîlok û Helebê de ye, ji Sibata 2016an ve ketiye destê Yekîneyên Parastina Gel (YPG).
Herwiha piştî dagîrkirina Efrînê ji aliyê artêşa Tirkiyê û grûpên çekdar ên ser bi wê ve, dora 250 hezar kes ji Efrînê derbider bûn û li Til Rifet û derdora wê (herêma Şehbayê) bi cih bûne.