Ame vatene ke Dêrsim de 29 herêmî heta 1’ê Temmuz a 2020’î sey Herêmê Asayîşê Taybetî ameyê îlankerdene.
Ame vatene ke Dêrsim de merkez û 4 qezayan de 29 herêmî heta 1’ê Temmuz a 2020’î sey Herêmê Asayîşê Berzî ameyê îlankerdene.
Eşkerayî Walîtîya Dêrsimî ra amî. Eşkerayîye de ame vatene “29 herêman de heta 1’ê Temmuz a 2020’î qerarê ‘Herêmê Asayîşê Taybetî yê Ravêrtoxî’ ameyo girewtene.”
Cayê ke sey Herêmê Asayîşê Taybetî ameyê îlankerdene nê yê: Herêma Balî, wareyê Çagirli, herêma Baylik, Karameşe, Kûrûtlû, herêma Kûtû, Tapan û Qilê Verguzerî yê ke pabesteyê merkezî yê; qintarê Alîgeçîtî, Dereyê Madenî, Qilê Mahmût Kopu, Koyê Mercanî, Koyê Sincikî, wareyê Golenî, Karadere, Aslica, Balkayalar, Gayretbaba, herêmê Yarpûzlû, Egercî, Eroglû, Mehlaya Doganca yê ke pabesteyê qezaya Pulurî; Dokûzkayalar û herêma Tavûklû yê ke pabesteyê qezaya Qisle yê; Daristanê Kinzirî û Dereyê Kiranî yê ke pabesteyê qezaya Xozatî yê û herêmê Kizilmescît û Altinhuseyînê ke pabesteyê Pilemûrîye yê.