Rojnameger û nuştoxo kurd Mûsa Anter cayo ke ame qetilkerdene de ame yadkerdene.
Rayberîya Înîsîyatîfê Çapemenîya Azade ra xeylê rojnamegerî, temsîlkaranê dezgehanê demokratîke û partîyanê siyasî semtê Amedî Seyrantepe de, cayo ke Musa Anter tede amebi qetilkerdene de o yad kerd.
Rojnameger û temsîlkarê rexistinan ê komelkî û demokratîk fotografê rojnamegeran ê ke serra 1990î de ameyî qetilkerdene kiriştî. Qerenfîl û gulî kerdî ra û kişta peykerê Mûsa Antarî de o yad kerd.
Ewilî serekê Înîsîyatîfê Çapemenîya Azade Hakki Boltanî qisey kerd û va: “27 serrî vîyar. La hema zî kiştoxî nêameyî vînayîş. Ma Apê Musa qet xo vîrî ra nêkenî û ma pê têkoşîn û keda ey rayîrê xo roşnî kenî. Ma do qet qelema ey canêverde.”
Lajê Apê Mûsayî Dîcle Anterî zî îfade kerd ke seba ke bi babîyê ci ‘bi kurdkî fîtik cinitêne’ ame destbendkerdene û ewro zî na rewşe dewam kena. Kultur û ziwanê kurdkî yeno qedexekerdene.
Rojnameger û temsîlkaranê rexistinan dima ra şîy cayo ke Mûsa Anter uca de ame qetilkerdene. Komêka rojnamegeran zî seba zîyaretkerdişê mezelê Mûsa Anterî şî dewa Stilî ya qezaya Nisêbînî.