Kampa Serdemî ya Efrînî de 2 hezar domanan tabloyo ke dergîya ci 500 metre ya de xeyal û dejê xo xêz kerdî. Tablo Alan Kurdîyî rê ame dîyarîkerdene.
Bi organîzekerdişê Yewîya Roşnvîranê Efrînî û Ajansê Rûmafî 2 hezar domananê Efrînijan tabloyê bi dergîya 5 metrayan xêz kerd.
Dimayê amadekarîya hewteyêkî domanê ke serrê înan mabênê 6 û 12 de yê Kampa Serdemî ya ke qezaya Ehdesî de ya ameyî têhet. Kampe de posterê Alan Kurdî ameyî daliqnayene û tabloyo derg mabênê xeyman de ame rakerdene.
Îdarekaranê Ajansê Rûmafî ra Nede El-Hisênî ke qisey kerd vat amancê înan oyo ke domanî travmayê ke antê, wa qalê înan bikerê. Dimayê qiseykerdişî domanan boyaxê ke bi gileyanê zeytunan ameyî xemilnayene girewtî xo dest û dejê ke gama ke dewleta Tirkî û çeteyanê ci hêrişê Efrînî kerd, antî û xeyalê xo yê ameyoxî xêz kerdî. Aktîvîte heman wextî de Alan Kurdî yo ke rayîrê koçberîye de derya de xeniqya rê ameye dîyarîkerdene. Badê xêzkerdişê tabloyî govendî ameyî girewtene.