Merkezê Xeberan - Bajarê Rojavayê Kurdistanî Efrînî ra dima Serê Kanî de zî çekdarê ke girêdayîyê hukmatê Tirkîya yê, şarî rê zulum kenê û semedê fîdye sîvîlan remnenê.
Komê çekdarî ê ke girêdayîyê Tirkîya yê bajarê Rojavayê Kurdistanî Serê Kanî de eştî xeylî keyeyan ser û 32 kesê sîvîlî remnayî.
Teşkîlatê Heqanê Merdiman yê Sûrîye (SOHR) aşkere kerd ke, , çekdaran mal û milkê sivîlan dewa Um El-Esafîr, Erîşa, Fêselya û Dawidiya Mela Silêman de talan kerd û veşna.
Teşkîlatî da zanayîş ke, çekdaran 32 sîvîlî Serê Kanî ra berdê cayo ke nêno zanayîş û aqûbetê înan bewlî nîyo.
Hukmatê Tirkîya û çekdarê erbebî ke girêdayîyê ci yê çend aşmî verê cû qismêkê bajarê Serê Kanî îşgal kerdbî û dest ronabî ser.