Netîceyê weçînayîşê Parlamantoyê Ewropa ke 28 dewletan de ame kerdene eşkere beno.
Gorê netîceyê nêresmî ra nê weçînayîşî de lîberalan, keskan û rastgiran rayê xo kerdê zêde.Heto bîn ra rayê partîyê merkezê ê çep û rastzî bîy kêmî. Rastgirê nijadperetîan Fransa û Îtalya de rayê xo kerdê zêde.
Heto bîn ra namzeta Partîya Sosyal Demokrat ya Swêdî Evîn Încîr û namzeta Partîya Çep ya Almanya Ozlem Alev Demir zî seba Parlementoyê Ewropa amê weçînayîş.
Evîn Încîra Dîyarbekirirje û Ozlem Alev Demirela Malatyayije hînî parlementoyê Ewropa de yê. Evîn Încîra Dîyarbekirirje serra 1985 de Dîyarbekir de ameya dinya û Swêd de sey rayvera ciwanan yena naskerdene. Ozlem Alev Demirela Malatyayije zî rojnameger a û welatê Almanya de manena. Nê her di cinîyê Kurdî do nika ra tepîya Parlementoyê Ewropa de ca bigêrê.
Seka yeno zanayîş Parlamentera HDP Feleknaz Uca hewa ewilî sey cinîyêka Kurd û Êzidî Parlementoyê Ewropa de ca girewtbî.