Tehdîdê Tirkîya yê Rojavayê Kurdistanî ra dima, hêzê koalîsyonê mîyannetewî 150 wesayîtê ke malzemeyê eskerî barkerde bîy erşawit rojavayê Kurdistanî.
Gorê xebera Ajansê Rûsan RT, 150 wesayîtê ke tede sîlehî û teqemenî estbîy, hetê hêzê koalîsyonê mîyannetewî ra erşawîyay wîlayetê rojavayê Kurdistanî Qamişlo.
Roja 04.08.2019 de Serekkomarê Tirkiya Receb Tayîb Erdoganî Rojavayê Kurdsitanî tehdîd kerbi û vatbi ma do bikewe Rojhilatê Firatî mîyan.
La Verfekê Pentagonî Sean Robertsonî îhtîmalê hêrişêkerdişê Rojavayê Kurdistanî ser o beyanatêk dabi û vatbi: Eke Hukmatê Tirkîya Rojavayê Kurdistanî rê hêriş biko ma qebûl nêkenê. Bi xususî cayê ke tede eskerê Amerîka estê, eke ê cayan rê hêriş bêro kerdiş ma qebûl nêkenê.