Li gorî nûçeya ajansa fermî ya dewleta Îranê IRNAyê, îro li sînorê qezaya Mîrcawê ya ser bi parêzgeha Sîstan û Belûçistanê 14 kes ji endamên hêza Besîc û hêzên pasevaniya sînor ji aliyê rêxistina Ceyş El-Edl ve hatine revandin.
Li gorî agahiyan, bûyer li devera Rîg Melek li ser sînorê Îran û Pakistanê û bi dûriya 40 km ji navenda qezaya Mîrcawê çêbûye.
Rêxistina Ceyş El-Edl anku Artêşa Dadê ku xwe weke rêxistineke berevanîkar a xelkê Belûçistanê dide naskirin, dema çend salan e ku bo azadî û mafê xelkê Belûçistanê çalakiyan dike, berpirsatiya revandina serbazên îranî li xwe girtiye û ragihandiye, îro Sêşemî (16-10-2018) çekdarên wan êrişî ser binkeyeke Supaya Pasdaran li nêzîkî Mîrcawê kirine û hemû hêzên wê binkeya serbazî ya Îranê girtine.