Dengizê Ege de keştîya multecîyan cûmê awe bîye. Netîceya serebûtî de 13ê ci gedeyî 20 multecîyî xeniqîyayî, tewr tay 30 multecîyî zî vînîbîyaye yê.
Alozîya mabênê Tirkîya û Yunanîstanî bi giranî tesîrê multecîyan kena. Coka Dengizê Ege bîyo sey goristanê multecîyan.
Tewr peyên nêzdîyê Girawa Egrîbozî ya Dengizê Ege de keştîya multecîyan cûmê awe bîye. Xebatanê xelisnayîşî de 13ê ci gedeyî bi temamî cenazayê 20 kesan ameyî dîyene. Dîya zanayene ke hema zî 30 multecîyî vînîbîyaye yê.
Goreyê vateyanê multecîyanê ke ameyê xelisnayene, keştîye de 68 kesê misirij, afgan û îranijî est bîyê. Keştîye ra 12 kesî bi weşî ameyî xelisnayene.