125 cinî û tutê terorîstanê DAIŞî kampa Hole başûrê rojhilatê Hesekî ra amey erşawitiş.
Teşkîlatê Heqanê Merdiman yê Sûrîye aşkera kerd ke, waştişê rîsipîyanê Ereban ser o 125 cinî û tutê DAIŞî ê ke Minbic ra yê kampa Hole ra amey vetiş.
Kampa Hole kontrolê Îdarekarîya Xosere û Hêzê Sûrîyeya Demokratîke (HSD) de ya la înan heta nika na xebere rast nêkerda.
Vajîyeno ke, Hêzê Sûrîyeya Demokratîke (HSD menga Hezîrane ra nata waştişê keyeyanê Ereban ser 800 cinî û tutê DAIŞî kampa Hole ra serbest veradayê.
Kampa Hole başûrê rojhilatê bajarê Hesekî de yo. Vajîyeno ke kampe de 70 hezar ra zêde macirê Iraqî, Sûrîye û keyeyê DAIŞijan êyê ke demo peyên de mintiqaya Baxoze ra ameyê vettiş estê.