Dezgeyê anketan Rawest, xeylê babetan de anketan virazeno û narey zî 11 bajaran de weçînayoxanê Kurdan mîyan de anketê ‘Kurdan de erjîyayîşî’yî viraşto.
Dezgeyê anketan Rawest, xeylê babetan de anketan virazeno û narey zî 11 bajaran de weçînayoxanê Kurdan mîyan de anketê ‘Kurdan de erjîyayîşî’yî viraşto.
Rawest bi nameyê Merkezê Xebatanê Kurdan anketêk viraşto. Anketê bi nameyê ‘Kurdan de Erjîyayîşî’yî ame weşanayene. Xebate bi paştîdayîşê Komeleyê Henrich Bollî virazîyaya. Anket 11bajaran de (Îstanbûl, Edene, Dîyarbekir, Mêrdîn, Agirî, Wan, Çewlîg, Colemêrg, Riha, Meletî, Semsûr) erjanê weçînayoxanê Kurdan peymnayê. Goreyê anketî, weçînayoxan mîyan de nasnameyê sey; ‘Bisilmantî’, Azadîperest’ û ‘Demokrat’î vejîyayê meydan. Beşdarî sey Çepgir û Raştgirî ameyê peymnayene. Kurdanê çepgiran de erjê sey; kede, têduştî, edelet, demokrasi û xozayî vejîyeyê ver. Kurdanê raştgiran de zî erjê sey; dîndartî, miletperwerî û keye vejîyeyê ver. Goreyê anketî Kurdî ne çepgir ne zî rastgir ê hîna zêde orte de yê.
Miletperwerîya Kurdan sey cîyakere nîna vînayene
Miletperwerî mîyanê Kurdan de se ra 10 ca gena. Kurdî miletperwerîya Kurdan sey cîyakere nêvînenê. Sewîyeya memnûbîyayîşî mîyanê Kurdan de xeylê kêmî ya.
Tercîhan de bedilîyayîş
Goreyê 2018î tercîhê weçînayoxan bedilîyayê. Hdp reyanê xo zêdînaya û Akp û Mhp zî helîyayê. Se ra 80î yê Kurdan vano ganî prosesê çareserkerdişî reyna dest pêbikero. Se ra 61ê beşdaran vato ganî perwerde bi ziwanê Kurdkî bêro dayene. Reyna ekserîyê beşdaran vato wa Kurdî dormaleyê menfeatanê Kurdan de bêrê pêser.