Diyarbakır19 °C
Li Efrînê çekdaran hunermendekî Kurd piştî îşkenceyê li hember pere berdan

Li Efrînê çekdaran hunermendekî Kurd piştî îşkenceyê li hember pere berdan

Çekdarên grûpa Sultan Sulêyman Şah ku grûpeke ser bi Tirkîyê ve ye, li Efrînê hunermendekî gelêrî yê Kurd piştî ku bi dijwarî îşkence kirin, li hember pere berdan.

A+A-

Navenda Nûçeyan - Li gor Rêxistina Mafê Mirovan a Efrînê, wan çekdaran hunermendê gelêrî yên Kurd Seîd Hisên ku xelkê gundê Qermitliqê yê ser bi nahîyeya Şîyê ya Efrînê ve ye, roja 15ê Nîsanê girtibûn û bo dema 2 rojan ew bi tundî îşkence kiribûn.

Rêxistina Mafê Mirovan a Efrînê dibêje, çekdarên grûpa Sultan Sulêyman Şah ku weke Emşat jî tê naskirin, piştî wergirtina pere ji malbata wî hunermendê Kurd ê Efrînê, roja 17ê Nîsanê ew serbest berdane.

Herêma Efrînê ya Rojavayê Kurdistanê zêdetirî 2 salan e ku di kontrola artêşa Tirkîyê û komên çekdar ên Sûrî yên girêdayî Tirkîyê de ye.

Ji dema ku Efrîn di destê artêşa Tirkîyê û komên çekdar ên girêdayî Tirkîyê de ye, gelek binpêkarî di derheqê xelkê resen ên Efrînê de ku Kurd in, tên kirin û ew binpêkirin heta niha berdewam in.

Rudaw

Li Efrînê grûpên çekdar pezê welatîyan didizinLi Efrînê grûpên çekdar pezê welatîyan didizin
Çekdaran li Efrînê endezyarê Kurd Fehmî Ebdo girtinÇekdaran li Efrînê endezyarê Kurd Fehmî Ebdo girtin
Binpêkirinên herî dawî yên çekdaran li EfrînêBinpêkirinên herî dawî yên çekdaran li Efrînê

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin