Zerdeştîyên Kurdistanê li dijî parêzgarê sepandî yê Kerkûkê dozê vedikin

Zerdeştîyên Kurdistanê li dijî parêzgarê sepandî yê Kerkûkê dozê vedikin

Ji ber belavbûna pêlavekê ku nexşa Zerdeştî li ser heye

A+A-

Navenda Nûçeyan - Nûnera zerdeştîyan li Wezareta Ewqaf û Karûbarîn Ayînî ya Kurdistanê, Awat Husamedîn ragihand, ewê ji ber belavbûna pêlava ku nexşa Zerdeştî li ser hatîye çêkirin û li Kerkûk tê firotin, li dijî parêzgarê sepandî yê Kerkûkê gilî bikin.

Ev çend roj in hinek wêne di sosyal medyayê de hatine belavkirin ku nîşan didin li bazar û dikanên bajarê Kerkûkê de curek pêlav tê firotin ku nexşa Zerdeştî li ser hatîye çêkirin.

Li ser vê yekê, nûnera zerdeştîyan li Wezareta Ewqaf ya Kurdistanê, Awat Husamedîn ji BasNewsê re got, ev yekê bi tundî şermezar dikin ji ber ku tiştekî wisa tê wateya bê hurmetî li ayîn û ola Zerdeştî. Qesta vê yekê têkdana aramîya Kurdistanê ye.

Awat Husamedîn her wiha got, em vê yekê qebûl nakin û emê li dijî parêzgarê Kerkûkê Rakan Cibûrî gilî bikin. Ji ber ku wî rê daye ew pêlav li Kerkûkê belav bibin û bên firotin. Haya wî ji her tiştî heye û divê hesabê vê yekê bide.

Wê berpirsa hikûmetê anî ziman ku ew pêlav bi qestî ji welatên derdorê hatine çêkirin û derbasî nav Kurdistanê hatine kirin da ku bi wî rengî aramîya Kurdistanê têk bidin.

Basnews

 

3-073.jpg

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin